ETORKINAK-KOMEDIA MUSIKALA
Oraingo proiektua: desherria, etorkinak…
– AMA IKASTOLA
Lau argazkietatik abiatuz, haurren sentimenduak asmatu eta mimatu ditugu. Gero, etorkinak zertan lagun daitezkeen aipatu dugu. Saioa margoketarekin bukatu dugu.
– 1. ETA 2. MAILAK
Zerk ekartzen ahal du norbait bere herritik beste herri batetarat bizitzerat joaiterat?
Guk hortaz gogoetatu dugu eta 8 arrazoin ikusten ditugu:
- Ezinbestean, gure herrian gerla badelakotz.
- Ezinbestean, gure herrian langabezia eta gosetea direlakotz.
- Ezinbestean, preso amanak izan girelakotz gure herritik urrun.
- Ezinbestean, munduko beste herri bateko buraso batzuek adoptaturik.
- Ezinbestean, gure herriko politikak beharturik, giren bezala ez girelakotz onartuak.
- Hautuz, norbaitetaz maitemindurik.
- Hautuz, beste herri bat, beste kultura bat ezagutu nahiz. Hautuz; ihes egiten ahal dugu gure edo ebatzi dugun dirua beste herri batean gordetzeko, nahi dugun bezala baliatzeko.
Bestalde, ausardia ere aipatu dugu elkarbizitzan, ausarta da bere herritik joaiten dena…
“Munduko sagu ume ausartena” ipuina talde ttipika berriz idatzi dugu eta ama ikastolakoei irakurri. Maitatu dute!!
– 3. MAILA
Taldean liburua (Ene bihotzean bi herri ditut) irakurri eta, bakotxak atxiki duen ideia bat idatzi du. Bestaldian, ipuina berriz aipatzeko eta eztabaidatzeko denbora hartuko dugu.
– FRANTSES GELA
Andrèa et Ludo sont venus partager leur expèrience avec les CM1-CM2.
________________________________________________________________________________
Joan den ostegunean, ikastolarat jin zauku Siriako emazte bat eta Bastida Terre d’Accueil elkarteko Terexa. Nivien aipatu dauku zerk egin zuen bere herria utzi zuela, hango errealitatea zein den, nola arribatu zen Euskal Herrirat, zer zailtasun izan zituen…
